کۆمسیۆنى باڵاى سەربەخۆى هەڵبژاردنەکانى عێراق ئاشکراى دەکات نزیکەى (300) میدیاکار رووماڵى پرۆسەى هەڵبژاردنى ئەنجومەنى نوێنەرانى عێراق  دەکەن زیاتر لە (44) هەزار چاودێرى ناوخۆیى و نێودەوڵەتیش چاودێرى پرۆسەکە دەکەن.

کۆمسیۆنى باڵاى سەربەخۆى هەڵبژاردنەکانى عێراق لە راگەیەنراوى هەفتانەیدا ئاماژەى بۆ ئەوەکردوە، بەردەوامن لە دەرکردنى ناسنامە بۆ راگەیاندنکار و چاودێران، کە ژمارەکەیان بریتیە لە (164) میدیاکارى ناوخۆیى و (133) میدیاکارى نێودەوڵەتى.

سەبارەت بە چاودێرانیش کۆمسیۆنى باڵاى سەربەخۆى هەڵبژاردنەکان ئاشکرایکردوە، ناسنامە بۆ هەزار و (455) چاودێرى ناوخۆیى و (244) چاودێرى نێودەوڵەتى دەرکراوە.

بەپێى راگەیەنراوەکەى کۆمسیۆنى باڵاى سەربەخۆى هەڵبژاردنەکانى عێراق، ژمارەى بریکارى قەوارە سیاسیەکان کە تائێستا ناسنامەیان بۆ دەرکراوە، گەیشتوەتە (42) هەزار و (817) بریکار.