بەڕێوەبەرى گشتى تەندروستى سلێمانى رایدەگەیەنێت؛ شەش مانگە حکومەتی هەرێم پارەی تەرخانکراوی دەرمانی نەخۆشخانەی هیوای خەرج نەکردووە. دەشڵێت: نەخۆش هەیە لەم هەفتەیەدا (20) ملیۆن دینارى بەدەرمانداوە.

دکتۆر. سەباح هەورامى، بەڕێوەبەرى گشتى تەندروستى سلێمانى رایگەیاند: شەش مانگە حکومەتی هەرێم پارەی تەرخانکراوی دەرمانی نەخۆشخانەی هیوای خەرج نەکردووە.

دەشڵێت: هەموو کۆمپانیاکانی دەرمان هێنانی دەرمانیان بۆ نەخۆشخانەی هیوا راگرتووە.

هەوارمى باس لەوەشدەکات، تا ئەو کاتەی پارەی سلێمانی بەکاردەهات بۆ نەخۆشخانەکانی هەولێر و دهۆک، پارەی دەرمان بە تەواوی دەدرا, بەڵام  کاتێک بریاردرا پارەی بانکی سلێمانی تەنها بۆ نەخۆشخانەکانی سلێمانی بەکاربێت، بریاردرا پارەی کۆمپانیاکان بکەنە تەنها (2%)

بەڕێوەبەرى تەندروستى سلێمانى وتیشى: نەخۆش هەیە لەم هەفتەیەدا (20) ملیۆن دیناری داوە بە دەرمان، خێزان هەیە لەم هەفتەیەدا ئۆتۆمبێلەکەى فرۆشتووە بۆ دەرمانی شێرپەنجە، بەڵام بەشی پێداویستی نەخۆشەکەی نەکردووە.