سەرچاوەیەک لە وەزارەتى دارایى هۆکارى درێژکردنەوەى رۆژەکانى پێدانى موچە بۆ دیجیتاڵ میدیاى(KNN) ئاشکرا دەکات

KNN : Kurdish News Network
06:09 - 25/05/2021
کوردستان

سەرچاوەیەک لە وەزارەتی دارایی و ئابووریی رایدەگەیەنێت؛ بەهۆى کەمبونەوەى داهاتى ناوخۆ لەم مانگە و کەمى پارەى بەردەست (سیولە)، دابەشکردنى موچە چەند رۆژێک درێژ دەکرێتەوە، دڵنیایش دەدات، حکومەت پابەندە کە هەر (30) رۆژ جارێک موچە دابەشبکات.

سەرچاوەیەک لە وەزارەتى دارایى و ئابورى هەرێمى کوردستان بە دیجیتاڵ میدیاى(KNN)ى راگەیاند: داهاتى ناوخۆى هەرێم بۆ ئەم مانگە کەمى کردووە و ئەوەش وایکردووە پارەى بەردەست (سیولە) بەتەواوى بەردەست نەبێت بۆ دابەشکردنى موچە، لەبەر ئەم هۆکارە رۆژەکانى دابەشکردنى موچە کەمێک درێژدەکرێتەوە.

ئاشکراشیکرد، هەریەک لە سەرۆکى حکومەت و جێگرەکەیى و وەزیرى دارایى لەسەر هێڵن بۆ ئەوەى چارەسەرى ئەو بابەتە بکەن و بە زوترین کات ئەو کورتهێنانە لە پارەى بەردەست پڕبکەنەوە.

ئەو سەرچاوەیەى وەزارەتى دارایى دڵنیایدا، ئەم کێشەیە کاتییە و بۆ مانگەکانى داهاتوو موچە لە کاتى خۆیدا دابەشدەکرێت وەک ئەوەى پێشتر حکومەت بەڵێنیداوە هەر (30) رۆژ جارێک موچە دابەشبکات.

 

سلێمانى/ بڕیار نامیق

 

16714 جار خوێندراوەتەوە