لە گەڕەکێکى شارى سلێمانى ژن و مێردێک دەبێتە شەڕ
و دەمەقاڵێیان و دواتر پیاوەکە گولـلەیەک دەنێت بەژنەکەیەوە و بریندارى دەکات و
خۆشى دەکوژێت.
سەرچاوەیەک لە سەنتەرى فریاکەوتنى سلێمانى بە
دیجیتاڵ میدیاى(KNN)ى
راگەیاند: بەیانى ئەمڕۆ دوو شەممە، لە گەڕەکى کازیوەى شارى سلێمانى، بەهۆى
دروستبونى شەڕ و دەمەقاڵێ لە نێوان ژن و مێردێک، پیاوەکە گولـلەیەک دەنێت
بەژنەکەیەوە و بریندارى دەکات.
سەرچاوەکە وتیشى:
ژنەکە بە بریندارى دەگەیەنرێتە نەخۆشخانەوە و گیانى لەدەستنەداوە، بەڵام پیاوەکە
لەکاتى بریندارکردنى ژنەکەى دوو گولـلە لەخۆى دەدات و گیانلەدەستدەدات.
بەپێى زانیارییەکانى دیجیتاڵ میدیاى(KNN)،
ژن و پیاوەکە تەمەنیان لە نێوان (35 بۆ 40) ساڵیدایە.
سلێمانى/ بڕیار نامیق
8866 جار خوێندراوەتەوە