دەتوانیت مۆبایلە گالەكسییە كۆنەكەت بگۆڕیت بۆ ئەم ئامێرە زیرەكەی ناوماڵ

KNN : Kurdish News Network
09:57 - 27/04/2021
زانستی

كۆمپانیای سامسۆنگی كۆری پرۆگرامێكی ئەزمونی بەناوی (Samsung Upcycling at Home) لەڕێی ئەپلیكەیشنێكەوە كارا دەكات، كە تایبەتە بەو كەسانەی مۆبایلی گالەكسی كۆنیان هەیە، لەئێستادا بەكاری ناهێنن.

 

 
پرۆگرامەكە تایبەتە بە دانیشتوانی ئەمریكا و بەریتانیا و كۆریای باشور،  لەوێ ئەوانەی مۆبایلی گالەكسی كۆنیان هەیە، دەتوانن ئامێرەكەیان بخەنەوە كار و بیگۆڕن بۆ ئامێرێكی زیرەكی ناوماڵ، ئەوەش تەنیا لەڕێی ئەپلیكەیشنێكەوە دەكرێت.

 

ئەپڵیكەیشنەكە ناوی (SmartThings) دوای ئەوەی لە مۆبایلێكی كۆنی گالەكسیدا دادەبەزێنرێت، كۆمەڵێك تایبەتمەندی پێدەدات كە وا دەكات وەك كەلوپەلێكی زیرەكی ناوماڵ كاربكات، بەتایبەت وەك ئامێری چاودێریكرنی منداڵ و هەستەوەری ڕوناكی.

 

كاتێك ئەپلیكەیشنەكە لە مۆبایلە كۆنەكەدا دادەگیرێت، دەبەسترێتەوە بەو مۆبایلەی لە ئێستادا بەكاریدەهێنیت، ئەوەش دەتوانرێت لە ژووری منداڵدا دابنرێت و لەكاتی گریانیدا ئاماژەیەك دەنێرێت بۆ مۆبایلەكە و لە دۆخی منداڵەكە ئاگادارت دەكاتەوە.

 

هاوكات دەتوانرێت مۆبایلەكە بۆ پێوانەكردنی ڕووناكی بەكاربێت، بەجۆرێك كاتێك لە ژوورێكدا دادەنرێت و وەك هەستەروەرێك لەكاتی تاریكیدا گڵۆپەكەی هەڵدەبێت، هەروەها بەپێی ئاستی تاریكی و ڕووناكی ژوورەكە، گڵۆپەكە كز و زیاد دەبێت.

 

كۆمپانیاكە تائێستا ڕوونكردنەوەی نەداوە ئایا ئەو خزمەتگوزارییە بۆ چ جۆرێكی مۆبایلی گالەكسی بەردەست دەبێت.

 

پرۆگرامی (Samsung Upcycling at Home) بەشێكە هەڵمەتی (Samsung Galaxy Upcycling)، كە كۆمپانیاكە لە ساڵی 2017 بۆ كەمكردنەوەی فڕێدان و بەخاشاككردنی ئامێرە ئەلەكترۆنییەكان ڕایگەیاندووە، ئەوەش لەڕێی دووبارە بەكارهێنانەوە مۆبایلە كۆنەكانی گالەكسی

326 جار خوێندراوەتەوە