ئاگر لە بازاڕێکى هەولێر کەوتەوە

KNN : Kurdish News Network
08:32 - 15/04/2021
کوردستان

لەئەنجامى کەوتنەوەى ئاگر لەناو بازاڕێکى شارى هەولێر دەیان مێز و کەپرى کاسبکارانى ئەو بازارە سوتان.

 

بەپێى زانیارییەکان، ئاگرەکە کاتژمێر شەشى ئەم ئێوارەیە لە نزیک پردى سەیداوەى شارى هەولێر کەوتوەتەوە و بەهۆیەوە نزیکەى (40) کەپر و مێز کە کاسبکارانى ئەو بازارە وەک شوێنى خستنەروو و فرۆشتنى کاڵاکانیان بەکارى دەهێنن سوتان.

بەوتەى وتەبێژى بەرگرى شارستانى هەولێر، ئاگرەکە کۆنترۆڵکراوە و رێگرى کراوە لەوەى بگاتە دوکانەکانى ئەو بازاڕە، بەڵام لە نێوان (30) بۆ (40) کەپر و مێزى کاسبکارانى بازارى سەیداوە سوتاون.

بەپێى زانیارییەکان، هۆکارى کەوتنەوەى ئاگرەکە شۆرتى کارەبا بووە و رووداوەکەش هیچ زیانێکى گیانى لێنەکەتوەتەوە

529 جار خوێندراوەتەوە