وەزارەتی پەروەردەی حکومەتی هەرێم بڕیاریدا، دەرگای ناوەندەکانی خوێندن بە داخراوی بمێننەوە تا ئەو کاتەی لیژنەی باڵای روبەروبونەوەی کۆرۆنا کۆدەبێتەوە و بڕیار دەدات.

 لە راگەیەنراوێکی وەزارەتی پەروەردەی حکومەتی هەرێمدا هاتووە، تاکاتی ئەنجامدانی کۆبونەوەی لیژنەی باڵای بەرەنگاربونەوەی ڤایرۆسی کۆرۆنا، تەواوی ناوەندەکانی خوێندنی سەر بە وەزارەتەکە بە (حکومی و ناحکومی)، بە داخراوی دەمێننەوە.

ئاماژە بەوەشکراوە، لەکاتی داخستنی ناوەندەکانی خوێندن، تەنیا تاقیکردنەوەکان بە گوێرەی خشتەی راگەیەنراو و بە جێبەجێکردنی رێکارەکانی خۆپارێزییەوە ئەنجامدەدرێن.

رۆژی (30/3/2021) لیژنەی باڵای روبەروبونەوەی کۆرۆنا لە هەرێم بڕیاریدا زانکۆ و پەیمانگە و قوتابخانەکان بە کەرتی گشتی و تایبەتەوە تا رۆژی (10/4/2021) دابخرێن.