نرخى نەوت لە بازارەکانى جیهاندا بەردەوامە لە دابەزین

KNN : Kurdish News Network
08:41 - 06/04/2021
ئابوری

ئەمڕۆ سێ شەممە (6ی نیسانى 2021)، نرخی یەک بەرمیل نەوتی خاوی برێنت لە بازاڕەکانی جیهاندا بە (62) دۆلار و (50) سەنت مامەڵەی پێوەکراوە.

بەرمیلێک نەوتی خاوی ئەمەریکیش (تەکساس) بە (59) دۆلار و (10) سەنت مامەڵەی پێوەکراوە.

ئەوە لەکاتێکدایە ئێوارەى رۆژى دووشەممە بەشێوەیەکى چاوەڕوان نەکراو نرخى نەوت بە رێژەى زیاتر لە (2%) دابەزى.

ئەوە لە کاتێکدایە لە سەرەتای ساڵی (2021)ەوە نرخی نەوت بەردەوامە لە بەرزبونەوە بەجۆرێک نرخی یەک بەرمیل نەوت (70) دۆلاری تێپەڕاند، هاوکات ساڵی رابردوو نرخی یەک بەرمیل نەوتی خاوی برێنت بە کەمتر لە (20) دۆلار مامەڵەی پێوەکراو، بەڵام ئەو رێوشوێنانەی لەسەر ئاستی جیهان بۆ روبەروبونەوەی کۆرۆنا گیراوەتەبەر، بەتایبەت بەدەستخستنی ڤاکسینی کۆرۆنا و سیاسەتی وڵاتانی ئۆپیک پڵەس و پابەندبون بە کەمکردنەوەی ئاستی هەناردەکردن و دوبارە دەستکردنەوە بە پیشەسازی، هۆکاری بەرزبونەوەی نرخی نەوتن لە جیهاندا.

1039 جار خوێندراوەتەوە