کۆیە؛ لە روداوێکی هاتوچۆدا هەشت کەس بونە قوربانی

KNN : Kurdish News Network
10:22 - 26/01/2021
کوردستان

لەسەر رێگەی کۆیە- هەولێر، لە روداوێکی هاتوچۆدا هەشت کەس بونە قوربانی.

 

 
 زاهیر محمد بەرێوبەری هاتووچۆی كۆیە  بە دیجیتاڵ میدیای (KNN) راگەیاند، كاتژمێر (08:00)ی ئەمشەو لەسەر رێگەی نێوان (کۆیە- هەولێر)، بەهۆی روداوێکی هاتوچۆوە هەشت کەس برینداربوون.

 

وتیشی، روداوەکە لە نێوان دوو ئۆتۆمبێلی جۆری (ئۆپڵ و مازدا) بوو، لەبەر یەک ئاڕاستەیی رێگەکە و تێپەڕاندنی هەڵە لەلایەن یەکێک لە شۆفێران رویداوە.

 

ئەوە لەکاتێکدایە، ئەمڕۆ لەسەر رێگەی نێوان (کۆیە – تەق تەق)،لە روداوێکی هاتوچۆدا نۆ هاوڵاتی برینداربوون، بەمەش (17) هاوڵاتی ماوەی (24) کاژمێردا لەسەر رێگەی کۆیە بونەتە قوربانی.

 

کۆیە / هەژار رەشید

249 جار خوێندراوەتەوە