"تاچەند ساڵێکى تر نرخى دۆلار بەرامبەر دینار دانابەزێت"

KNN : Kurdish News Network
01:43 - 20/01/2021
عێراق

ئەندامێکى لیژنەى دارایى ئەنجومەنى نوێنەرانى عێراق ئاشکرادەکات بۆ ماوەى چەند ساڵێکى تر نرخى دۆلار لەبەرامبەر دینار بە بەرزى دەمێنێتەوە.

شیروان میرزا ئەندامى لیژنەى دارایى لە ئەنجومەنى نوێنەرانى عێراق رایگەیاند، نرخى دۆلار بەرامبەر دینارى عێراقى تا ماوەى سێ ساڵى دیکە بەم شێوەیەى ئێستا دەمێنێتەوە.

راشیگەیاند، حکومەتى عێراق (12) ترلیۆن دینار قازانج دەکات لە بەرزبونەوەى نرخى دۆلار، ئەوەش کاریگەرى دەبێت لەسەرکەمبونەوەى قەبارەى کورتهێنان لە بودجەى ساڵى (2021) دا.

ئەوە لەکاتێکدایە لە پرۆژە یاساى بودجەى ئەمساڵى عێراقدا نرخى یەک دۆلار لەبەرامبەر (1450) دینار دانراوە.

5053 جار خوێندراوەتەوە