بڕیاردرا بە راگرتنى لێخۆشبونى گومرگى بۆ شیش و چیمەنتۆ

KNN : Kurdish News Network
02:05 - 14/01/2021
کوردستان

دواى بەدواداچونى پەرلەمانتارێکى گۆڕان بۆ دۆسیەى هێنانى شیش بە ناوى وەبەرهێنان و فرۆشتنەوەى لە بازاڕدا بەبێ پێدانى باجى گومرگى، ئەمڕۆ بە بڕیارى ئەنجومەنى وەزیران و وەزارەتى دارایى، بڕیاردرا بە راگرتنى لێخۆشبونى گومرگى بۆ شیش و چیمەنتۆ.

عەلى حەمە ساڵح، پەرلەمانتارى فراکسیۆنى گۆڕان لە پەرلەمانى کوردستان بە دیجیتاڵ میدیاى (KNN)ى راگەیاند: دوای ئەوەی دوێنێ دۆسیەی ھێنانی شیشمان بەناوی وەبەرھێنان و فرۆشتنەوەی لە بازاڕ و نەدانی (4) ملیۆن و (700) هەزار دۆلار گومرگ بڵاوکردەوە،
ئەمڕۆ بە بڕیاری ئەنجومەنی وەزیران و وەزارەتی دارایی راگیرا.

بەپێى بڕیارەکە، لێخۆش بوونی گومرگی بۆ شیش و چیمەنتۆ و ئینگلایین رابگیرێت، و رێکارى پێویست بگیرێتە بەر بۆ وەرگرتنى باج لەو کۆمپانیایە.

686 جار خوێندراوەتەوە