وەزارەتی کارەبای هەرێمی کوردستان ڕایدەگەیەنێت، بەهۆی دروستبوونی کێشەیەکی تەکنیکی لە هێڵەکانی گواستنەوەی وزەدا، کارەبای نیشتمانی لە بەشێکی پارێزگای دهۆک کوژاوەتەوە و تیمەکانیشیان سەرقاڵی چارەسەرکردنی گرفتەکەن.

وەزارەتی کارەبا لە ڕاگەیەندراوێکدا ئاماژەی بەوە کردووە، لە ئێستادا تیمەکانیان سەرقاڵی لێکۆڵینەوەن لە هۆکاری دروستبوونی کێشەکە، بە مەبەستی ئەوەی بە زووترین کات چارەسەری بکەن و لە چەند کاتژمێری داهاتوودا کارەبا بۆ هاوڵاتییان بگەڕێننەوە.

لە بەشێکی دیکەی ڕاگەیەندراوەکەدا، وەزارەتی کارەبا دڵنیایی دەداتە هاوڵاتییان کە لە کاتی هەبوونی هەر پێشهاتێکی نوێ و ئاساییبوونەوەی دۆخەکە و گەڕانەوەی کارەبادا، ڕاستەوخۆ زانیارییان پێ دەدەن.