لە رووداوێکى هاتوچۆدا لەناحیەى ئاغجەلەر سێ کەس سوتان

KNN : Kurdish News Network
07:37 - 20/11/2020
کوردستان

لە رووداوێکى هاتوچۆدا لە نزیک ناحیەى ئاغجەلەرى سەر بە قەزاى چەمچەماڵ سێ کەس سوتان و کەسێکیش برینداربوو.

بەپێى زانیاریەکان، ئێوارەى ئەمرۆ لەسەر رێگاى نێوان ناحیەى ئاغجەلەر و گوندى گۆپتەپە دوو ئۆتۆمبێل لە جۆرى ئۆپڵ و نیسان بەکیانداداوە و لە ئەنجامى ئەو رووداوەشدا هەردوو ئۆتۆمبێلەکە گڕیان گرتوە و بەهۆیەوە دووسەرنشینى ئۆپڵەکە و یەکێک لە سەرنشینەکانى نیسانەکە سوتاون و گیانیان لەدەستداوە، سەرنشینێکى دیکەى نیسانەکەش برینداربووە.

بەپێى لێدوانى بەرێوەبەرى ناحیەى ئاغجەلەر، بریندارەکە رەوانەى نەخۆشخانە کراوە و ئەوسێ کەسەش کە گیانیان لەدەستداوە رەوانەى پزیشکى دادوەرى سلێمانى کراون، بەڵام بەهۆى زۆرى رێژەى سوتاویەکەیانەوە دووان لە قوربانیەکان کە سەرنشینى ئۆپڵەکە بوون نە ناسراونەتەوە .

837 جار خوێندراوەتەوە