یەختێكی گواستنەوەی كۆچبەران لە دەریای ئیجەدا نوقم بوو

12:58 - 16/09/2020
جیهان

یەختێكی گواستنەوەی كۆچبەران لە نێوان توركیا و یۆناندا نوقم دەبێت، بەڵام زۆرینەی سەرنشینەكانی لەلایەن پۆلیسی یۆنانەوە رزگار دەكرێن.

 
دەزگای لوتكە كە تایبەتە بە كاروباری پەنابەران بڵاوی كردەوە، یەختێكی گواستنەوەی كۆچبەرانی نایاسایی بە زیاتر لە( 80 ) سەرنشینەوە  لە دەریای ئیجەدا نوقم بوە.

 

سەبارەت بە چارەنوسی سەرنشینەكانیشی، دەزگای لوتكە رایگەیاندوە،( 57) سەرنشینی ئەو یەختە لەلایەن پۆلیسی دەریاوانی یۆنانەوە رزگار كراون 4 تەرمیش دۆزراونەتەوە و تائێستاش چارەنوسی( 17 )سەرنشینی دیكە دیارنیە.

 

سەبارەت بەناسنامەی ئەو كۆچبەرانەی لەناو ئەو یەختەدا بوون، دەزگای لوتكە رایگەیاندوە، ئەو كۆچبەرانە بریتی بون لە كورد، ئەفغانی پاكستانی، بەنگلادیشی، سۆماڵی.

991 جار خوێندراوەتەوە