کەمێک پێش ئێستا بەهۆی روداوێکی هاتوچۆوە لەسەر رێگای کۆیە-هەولێر سێ ئۆتۆمبیل پێکیاندادا و لە ئەنجامدا سێ کەس گیانیان لەدەستدا.

 بەپێی زانیارییەکان روداوەکە نزیک گۆمە سەپان بووە و زیاتر لە شەش برینداریش گواستراونەتەوە بۆ نەخۆشخانە.

روداوەکانی  هاتوچۆ لە کوردستان بە یەکێک لە هۆکارە سەرەکییەکانی مردن دادەندرێت و ساڵانە زیاتر لە هەزار کەس بە روداوەکان گیان لەدەستدەدن.

پۆلیسی هاتوچۆ و شارەزایانی بوارەکە تیژڕەوی شۆفێران و پابەندنەبون بە رێنماییەکان و خراپی رێگاوبانەکان بە هۆکاری زۆری ڕوداوەکان دادەنێن.