دوو برا پێکەوە خنکان

KNN : Kurdish News Network
03:58 - 03/08/2020
کوردستان

نیوەڕۆی ئەمڕۆ دوو شەمە لەگوندی (بنکە) سەربەناحییەی (خان ) لە ئیدارەی گەرمیان دوومێردمنداڵ کە برای یەکتر لەکاتی مەلەکردندا خنکان.


مقەدەم عەلی جەمال قدوری وتەبێژی پۆلیسی گەرمیان لە بەیانامەیەکدا ڕایگەیاند ئەو دوو منداڵە یەکێکیان تەمەنی 17 ساڵە و ئەوەی دیکە تەمەنی 6 ساڵە، یەکێکیان کەوتۆتە ئاوەکەوە ئەوەی دیکە ویستویەتی رزگاری بکات، بەڵام سەرئەنجام هەردوکیان خنکاون.

 

ئاشکراشیکردوە بەوتەی کەسوکاریان نیوەڕۆی ئەمڕۆ بەمەبەستی مەلەکردن لە گوندەکی خۆیان چونەتە سەر مەشروعی ئاو کە نزیکە لە گوندەکەی خۆیانەوە.

 

وتەبێژی پۆلیسی گەرمیان ئاماژەی بەوەشکردوە تەرمەکان دۆزراونەتەوەو بەمەبەستی تۆێکاری ڕەوانەی پزیشکی دادوەری کەلارکراون.

 

ساڵانە لە وەرزی هاویندا ژمارەیەک گەنج و هاوڵاتی لەکاتی مەلەکردن لە چەم و دەریاچەو ئاوەکانی کوردستاندا دەخنکێن.

4445 جار خوێندراوەتەوە