مستەفا کازمی سەرۆک وەزیرانى عێراق، شەشی حوزەیرانی ساڵى ٢٠٢١ی وەکو وادەی هەڵبژاردنی پێشوەخت لە عێراق دیاریکرد.

مستەفا کازمى لە پەیامێکى ڤیدیۆییدا کە تێیدا وادەى هەڵبژاردنى پەرلەمانى عێراقى دیاریکرد، وتى: هیچ چارەسەرێک نیە بۆ کێشەکان لە عێراق، ئەگەر بێتو وڵات سەروەرى خۆى بەدەست نەهێنێتەوە.

کازمى، ئاماژەى بەوەکرد کار دەکەن بۆ تێپەڕاندنى قەیرانى دارایى و ئەنجامدانى چاکسازى.

دیاریکردنى کاتى هەڵبژاردن، دواى ئەوە دێت دوێنێ مستەفا کازمی سەرۆکوەزیرانی عێراق، لەگەڵ سەرۆک و ئەندامانی ئەنجومەنی کۆمسیۆنی باڵای هەڵبژاردنەکان کۆبوەوە.