نرخى نەوت لە یەکەم رۆژى جەژندا دابەزى

09:32 - 31/07/2020
ئابوری

ئەمڕۆ هەینى (31ی تەموزی 2020) نرخی یەک بەرمیل نەوتی خاوی برێنت، لە بازاڕەکانی جیهاندا بە (43) دۆلار و (3) سەنت مامەڵەی پێوەکرا.

هەروەها نرخی بەرمیلێک نەوتی خاوی ئەمریکی (تەکساس) بە (40) دۆلار و (2) سەنت فرۆشراوە.

نرخى نەوت لە ئەمڕۆ یەکەم رۆژى جەژنى قورباندا، بەراورد بە دوێنێ دابەزینى بە خۆیەوە بینى.

بەڕای شارەزایانی بواری نەوت بەهۆی ئاسایی بونەوەی دۆخی کۆرۆنا لە بەشێکی وڵاتان و بەردەوامی رێکەوتنی نێوان وڵاتانی ئۆپیک پڵەس، نرخی نەوت تا ماوەیەک بە جێگیری دەمێنێتەوە.

796 جار خوێندراوەتەوە