نەتەوە یەکگرتووەکان ئامادەیی بۆ چارەسەری کێشەکانی نێوان هەرێم و بەغدا نیشاندەدات بۆ گەیشتنە رێککەوتنێکی گشتگیر و درێژخایەن.

جێنین هێنیس پلاسخارت نوێنەری تایبەتی سکرتێری گشتیی نەتەوە یەکگرتووەکان لە عێراق لەگەڵ مەسرور بارزانى سەرۆکى حکومەتى هەرێمى کوردستان کۆبوەوە و گفتوگۆیان لەبارەى دۆخی عێراق و هەوڵەکانی چارەسەرى کێشەکانی نێوان هەرێم و  بەغدا کرد.

نوێنەری تایبەتی سکرتێری گشتیی نەتەوە یەکگرتووەکان لە عێراق، ئامادەیی نشانداوە بۆ چارەسەری کێشەکانی نێوان هەرێمی کوردستان و حکومەتی ناوەند، بە ئامانجى گەیشتنە رێککەوتنێکی گشتگیر و بنەڕەتی و درێژخایەن، کە جێگای رەزامەندی هەردوولا و لە بەرژەوەندی هەموو هاووڵاتییانی عێراقدا بێت.

هاوکات سەرۆکى حکومەتى هەرێمیش ئەوەى خستوەتەڕوو، کە دانوستانەکانی نێوان هەولێر و بەغدا بەردەوامە بە ئامانجی چارەسەرکردنی هەموو کێشە هەڵپەسێردراوەکان بۆ گەیشتن بە ڕێککەوتن لەسەر بنەمای دەستوور.