ژمارەی توشبوانی کۆرۆنا لە ماوەی 24 کاتژمێری رابردودا زیاتر لە 83 هەزار توشبوی تێپەڕاند، کۆی توشبووانی ڤایرۆسەکەش لە جیهاندا گەیشتە، چوار ملیۆن و 805 هەزار کەس.

بەگوێرەی دوایین ئامار ژمارەی توشبوانی ڤایرۆسی کۆرۆنا، گەیشتوەتە چوار ملیۆن و 805 هەزار و 186 کەس، لەو ژمارەیەش ملیۆنێک و 860 هەزار و 36 کەس چاکبونەتەوە و 316 هەزار و 730 کەسیش گیانیانلەدەستداوە.

 
لەسەر ئاستی جیهان ژمارەی توشبووان لە ویلایەتە یەکگرتوەکانی ئەمریکا ژمارەیەکی پێوانەیی تۆمارکردووە، بەجۆرێک کۆی توشبوانی ڤایرۆسەکە گەیشتوەتە ملیۆنێک و 527 هەزار و 664 توشبو.

لەسەر ئاستی وڵاتانی ئەوروپاش ژمارەی توشبوان لە بریتانیا بە خێرایی بەرزدەبێتەوە و تا ئەمڕۆ 243 هەزار و 695 کەس توشی ڤایرۆسەکە بوون، لەو ژمارەیەش 34 هەزار و 636 کەس گیانیانلەدەستداوە، هەروەها ژمارەی ئەو کەسانەی بەهۆی کۆرۆنا لە ئەڵمانیا گیانیان لەدەستداوە بە بەراورد بە ژمارەی توشبوان لە وڵاتانی دیکە کەمترە بە جۆرێک لە کۆی 176 هەزار و  651 توشبو، هەشت هەزار و 49 کەس گیانیانلەدەستداوە.