بەپێی دواین ئامارەکان کە زانکۆی "جۆنزهۆبکنز"ی ئەمریکی بڵاویکردۆتەوە، زیاتر لە 82 هەزار توشبووی نوێی کۆرۆنا لە جیهاندا تۆمارکراون، ژمارەی توشبووانی ئەو ڤایرۆسەش نزیک دەبێتەوە لە دوو ملیۆن و 800 هەزار  کەس.

 

زانکۆکە ئاماژەی بۆ ئەوەشکردووە، تا ئێستا ژمارەی ئەو کەسانەی بەهۆی ڤایرۆسی کۆرۆناوە گیانیالەدەستداوە، گەیشتوەتە 195 هەزار و 920 کەس، هەروەها ئەو کەسانەی ڤایرۆسەکەیان تێپەڕاندووە و چاکبونەتەوە، 781 هەزار و 382 کەسە لە جیهاندا.

بەپێی ئەو ڕیزبەندییەی زانکۆی جۆنز هۆبکنز کردویەتی، ئەمریکا زۆرترین ژمارەی توشبوونی کۆرۆنای لە جیهاندا تۆمارکردووە کە (890 هەزار و 500)کەسن، دوای ئەو ئیسپانیا بە پلەی دووم دێت کە (219 هەزار و 800) توشبووی تۆمارکردووە، ئیتاڵیا (193 هەزار) توشبوو، فەرەنسا (159 هەزار و 500) کەس، لە ئەڵمانیاش (154 هەزار و 500) توشبووی ڤایرۆسی کۆرۆنای تۆمارکراوە.