کەسێکی تر بە کۆرۆنا لە هەرێم کۆچی دوایکرد

08:49 - 04/04/2020
کوردستان

بەڕێوەبەری تەندروستی سلێمانی ڕایگەیاند یەکێک لە نەخۆشەکانی کۆرۆنا لە سلێمانی کۆچی دوایکردوە.

 

 

د.سەباح هەورامی ڕایگەیاند کەسەکە دوای گیان لە دەستدانی نمونەی لێ وەرگیراوە دەرکەوتووە بە کۆرۆنا کۆچی دوایکردوە.

 

 

وتیشی زۆرینەی نەخۆشەکانی کۆرۆنا لە سلێمانی ڕەوشی تەندروستیان جێگیرە جگە لە یەک کەس نەبێت کە لەژێر چاودێری چڕدایە.

 

 

هەروەها بەپێی زانیارییەکان ئەو کەسەی گیانی لەدەستداوە،پیاوە و تەمەنی ٦١ ساڵە و نەخۆشی شەکرەی هەبووە،دوای کۆچیی دوای زانراوە کە کۆرۆنای گرتووە.

 

 

ئەوە لەکاتێکدایە ژمارەی توشبوان لە هەرێم تا ئێستا ٢١٤ کەسە و لەو ژمارەیەش سێ کەسیان گیانیان لەدەستداوە.

 

 

هەروەها ٧٤ نەخۆشیش چاکبونەتەوە و گەڕاونەتەوە ماڵەوە.

12708 جار خوێندراوەتەوە