وەزارەتى تەندروستى هەرێم رایدەگەیەنێت، ئەو کەسانەى لە بەروارى (15/2/2020)گەڕاونەتەوە بەپەلە پەیوەندى بەهێڵى گەرمى (122) یان سەنتەرەکانى پشکنینى کۆرۆنا بکەن.

 لە بانگەوازێکدا وەزارەتى تەندروستى حکومەتى هەرێمى کوردستان ئەوە دەخاتەڕوو، هەر کەسێک لە و بەروارەوە لە دەرەوە گەڕابێتەوە و پشکنین ئەنجام نەدات رێکارى یاسایى بەرامبەر دەگیرێتەبەر.

بانگەوازێك لە وەزارەتی تەندروستیەوە 

 دوابەدوای بانگەوازی پێشوومان، ئاگاداری ئەو هاووڵاتیانە دەکەینەوە کەوا پێشتر گەشتی دەرەوەی وڵاتیان کردووە لە 2/15 تاوەکو ئێستا جگە لەوانەی کەڕەنتین کراون یان پشکنینیان بۆ کراوە بەزووترین کات و بەپەلە پەیوەندی بە هێڵی گەرم ژمارە ١٢٢ یان سەنتەرەکانی کۆڕۆنا بکەن بۆ پشکنینی تاقیگەیی.

دڵنیاتان دەکەینەوە تەنها بۆ پشکنین و بەرژەوەندی خۆتان و کەسوکارتانە بەپێچەوانەوە هەر هاووڵاتیەکی گەڕاوە لە دەرەوەی وڵات لە ماوەی دیاریکراودا پشکنینی تاقیگەی نەبێت ڕێککاری یاسایی بەرامبەر وەردەگیرێت.
وەزارەتی تەندروستی.

حکومەتی هەرێمی کوردستان

30 ئازار 2020