وەزارەتى تەندروستى رایدەگەیەنێت، سێ حالةتى نوێى توشبوون بە ڤایرۆسى کۆرۆنا لە هەولێر تۆمارکراوە.

لە راگەیەندراوێکدا وەزارەتى تەندروستى حکومەتى هەرێمى کوردستان ئەوە دەخاتەڕوو، سێ تووشبووی ڤایرۆسی کۆڕۆنای نوێ COVID-19 لەشاری هەولێر دەستنیشانکران.

توشبوەکان سێ پیاوى تەمەن (54) و (35) و (34) ساڵانن، کە دووانیان لە کەرەنتینە بوون و هاوڵاتی بیانین، ئەوەی دیکەیان لە وڵاتی بەریتانیا گەڕاوەتەوە.

تائێستا (127) حاڵەتى توشبوو بە ڤایرۆسى کۆرۆنا لە هەرێمى کوردستان تۆمارکراوە، لەو ژمارەیە (53) توشبوو چاکبونەتەوەو دوو لە توشبوەکانیش گیانیان لەدەستداوە.