ژمارەی تووشبووانی کۆرۆنا لە عێراق و هەرێم گەیشتە 266 کەس

02:48 - 23/03/2020
عێراق

کۆی تووشبووانی ڤایرۆسی کۆرۆنا لە عێراق و هەرێمی کوردستان گەیشتە 266 کەس.

 
وەزارەتی تەندروستی عێراق رایگەیاند، ژمارەی ئەو کەسانەی تاکو ئێستا لە عێراق و هەرێم، تووشی ڤایرۆسی کۆرنا بوون، گەیشتووەتە 266 کەس.


تا ئێستا لە هەرێمی کوردستان 76 کەس تووشی ڤایرۆسی کۆرنا بوون، لە ژمارەیەش یەک کەس گیانی لەدەستداوە و 22 کەسیشیان چاکبوونەتەوە.


تەنها لە 24 کاتژمێری رابردوودا لە عێراق و هەرێمی کوردستان 33 کەس تووشی ڤایرۆسی کۆرنا بوون و سێ کەس لەو ژمارەیە لە بەغدا، بەسرە و دیالە گیانیان لەدەستداوە.


کۆی ئەو کەسانەی لە هەرێمی کوردستان و عێراق گیانیان لەدەستداوە گەیشتووەتە 23 کەس (یەک کەسیان لە هەرێمی کوردستانە).


کۆی ئەو کەسانەی لە هەرێمی کوردستان و عێراق چاکبوونەتەوە گەیشتووەتە 71 کەس.

402 جار خوێندراوەتەوە