پارێزگارى سلێمانى رایدەگەیەنێت، بۆ بەرزڕاگرتنی نەورۆز؛ ئاگری نەورۆز كە هێما و مەشخەڵی سەركەوتن و هاتنی ڕۆژی نوێ ‌‌و ساڵی نوێی كوردییە لە سلێمانى دەکرێتەوە.

د.هەڤاڵ ئەبوبەکر پارێزگارى سلێمانى، لە پەیامێکدا، پیرۆزبایى جەژنى نەورۆز لە سەرجەم هاونیشتیمانیانى هەرێم و رەوەندى کوردى و دانیشتوانى پارێزگاى سلێمانى دەکات.

هاوکات بۆ بەرزڕاگرتنی نەورۆز، بڕیاریدا لەڕێی تیمەكانی بەڕێوەبەرایەتی پۆلیسی سلێمانییەوە، ئاگری نەورۆز، كە هێماو مەشخەڵی سەركەوتن و هاتنی ڕۆژی نوێ‌‌و ساڵی نوێی كوردییە، لەسەر هەردوو شاخی گۆیژەو بەرانان، لە ئێوارەی ئەمڕۆدا بکرێتەوە.

بەپێى بڕیارەکەى پارێزگارى سلێمانى، کردنەوەى ئاگرەکە لەبرى هەموو خەڵكی پارێزگای سلێمانیەو دەڵێت: "پێویستە خەڵک لە ماڵەكانیاندا بمێننەوەو هیچ كۆبوونەوەیەك دروست نەكەن".