بەڕێوەبەری تەندروستی سلێمانی رایگەیاند،قۆناغێکی باشیان لە ڕوبەڕونەوەی کۆرۆنا بڕیووە.

 د.سەباح هەورامی بەڕێوەبەری تەندروستی سلێمانی لە پەیجی فەرمی خۆی ڕایگەیاندوە، تکا لە هاوڵاتیان دەکەم لە ماڵەکانیان بمێننەوە و پابەندی زیاتری ڕێنماییە تەندروستییەکان بن.

ئاماژەی بەوەشکردوە، دەزانم بەشێکی زۆر لە کاسبکاران و هاوڵاتیان بەگشتی باری داراییان روو لەخراپییە بەهۆی ئەم رێنماییانەوە، داوای لێبوردنتان لێدەکەم، بەڵام تەندروستیتان لەسەرو هەموشتێکەوەیە.

ئەوە لەکاتێکدایە لە هەرێم بۆ ماوەی پێنج رۆژی تر قەدەغەی هاتوچۆ درێژکراوەتەوە و تا ئێستاش ٣٩ حاڵەتی کۆرۆنا تۆمارکراوە.

لەو ژمارەیەش ١٣ حاڵەتیان چاکبونەتەوە و یەک کەسیش گیانی لەدەستداوە.