شەوی ڕابردوو، حەوت موشەک ئاڕاستەی بنکەی سەربازی تاجی و ناوچەی سەوز بەغداد کران.

 

وتەبێژی هاوپەیمانی نێودەوڵەتی ڕایگەیاند، شەوی ڕابردوو سێ موشەک  ئاڕاستەی بنکەی سەربازی تاجی و چوار موشەک ئاڕاستەی ناوچەی سەوزی بەغداد نزیک باڵیۆزخانەی ئەمریکا کران.

ئاماژەی بۆ ئەوەشکرد، ڕێکارەکانی کشانەوەی هێزەکانی هاوپەیمانی نێودەوڵەتی و ڕادسەتکردنەوەی بنکەی سەربازی قائیم گفتوگۆیان لەبارەوە کراوە.

وتەبێژەکەی ھاوپەیمانی نێودەوڵەتی دەڵێ، لە شەڕی دژ بە تێرۆریستان و بەسزا گەیاندنی ئەوانەی ھێرشیان کردە سەر بنکەی سەربازی تاجی بەردەوام دەبین.