قایمقامیەتی سلێمانی، لەبارەی پێشکرشکردنی نێرگەلە بە کڕیاران هۆشداری دەداتە خاوەنی کافتریا و ڕێستۆرانتەکان.

سەرۆکی لیژنە هاوبەشەکانی قایمقامیەتی سلیمانی ڕایگەیاند، لە ئەمڕۆوە هەر شوێنێک نێرگەلە پێشکەش بە کڕیارانی بکات دادەخرێت و خاوەنەکەشی روبەڕوی سزا دەکرێتەوە.

لەشکر حەمید سەرۆکی لیژنە هاوبەشەکانی قایمقامیەتی سلێمانی، جەخت دەکاتەوە، سه‌ردانی لیژنه‌كان بۆ چاودێری كردنی بازار و شوێنه گشتییه‌كان زیاتر ده‌بێت، قائیمقامیه‌ت به‌وردی چاودێری جێبه‌جێكردنی رێنماییه‌كانی روبه‌ڕو بونه‌وه‌ی كۆرۆنا له شوێنه‌ گشتییه‌كان، كافتریاكانی نێرگه‌له‌ كێشان، چێشتخانه‌، چایخانه‌، گه‌یم سه‌نته‌ره‌كان و مه‌له‌وانگه‌كان ده‌كات و له‌كاتی هه‌بونی سه‌رپێچیدا خاوه‌ن شوێنه‌كه‌ روبه‌ڕوی رێكاری یاسایی توند ده‌كرێته‌وه.
‌


ئەوەش لە چوارچێوەی ئەو ڕێکارانەدایە کە حکومەتی هەرێم و لایەنە پەیوەندیدارەکان بۆ ریگریکردن لە بڵاوبونەوەی ڤایرۆسی کۆرۆنا گرتویانەتەبەر.