دوای گیانلەدەستدانی چوار کەس بەهۆی کۆرۆناوە لە ئێران، سەرجەم گەشتە ئاسمانییەکانی نێوان هەرێمی کوردستان و کۆماری
ئیسلامی ئێران راگیران.
تاهیر عەبدوڵا بەرێوەبەری فڕۆکەخانەی سلێمانی بە دیجیتاڵ میدیای KNNی راگەیاند، بە بڕیاری وەزارەتی ناوخۆی هەرێم، سەرجەم گەشتە ئاسمانییەکانی نێوان هەرێمی کوردستان و ئێران بە کاتی راگیراون.
ئاماژەی بەوەش کرد، ئەم بڕیارە هەردوو فڕۆکەخانەی هەولێر و سلێمانی دەگرێتەوە و تا کاتێکی نادیار گەشتەکان راگیراون.
هەر ئەمرۆ بە بڕیاری وەزارەتی ناوخۆی هەرێم، هاتووچۆی هاوڵاتیان لە دەروازە سنوورییەکانەوە لەگەڵ ئێران راگیران.
710 جار خوێندراوەتەوە