ئەندامێکی پەرلەمانی عێراق لە فراکسیۆنی دەوڵەتی یاسا ڕایگەیاند، هەر کاندیدێک لە لایەن لایەنە سیاسییەکانەوە کاندیدبکرێت لە کابینکەی عەلاوی، ئەوان دەنگی پێنادەن و رەتیدەکەنەوە، دەشڵێت پشتگیری حکومەتێک دەکەن کە داواکارییەکانی خۆپیشادەران و ڕەزامەندی پەرلەمانی لەسەر بێت.

لە بەیاننامەیەکدا کە دەست دیجیتاڵ میدیای KNN کەوتووە، مەنسور بەیعجی، ئەندامی پەرلەمانی عێراق لە فراکسیۆنی دەوڵەتی یاسا لە بەیاننامەیەکدا ڕایگەیاندووە، پێویستە حکومەتی داهاتوو سەربەخۆ و بێلایەن و دوربێت لە ملاملانێی حزبی.

دەشڵێت، پشتگیری لە هیچ کاندیدێک ناکەن کە لەلایەن لایەنە سیاسییەکانەوە دابنرێت، بەهەمو شێوەیەک پشتگیری حکومەتێکی سەربەخۆ و دور لەدەستوەردانی حزبی دەکەن، کە داواکارییەکانی خۆپیشاندەران لەبەرچاوبگرێت.

جەختیشدەکاتەوە، حزب و لایەنە سیاسییەکان ڕێگە بە سەرۆک وەزیرانی راسپێرداو بدەن، کاندیدانی کابینە وزاریەکەی دیاریبکات و هەمان سیناریۆکانی پێشوو دوبارە نەکەنەوە، کار بۆ دروستکردنی حکومەتێکی بەهێز و سەربەخۆ بکرێت.