وێنە.. بەفر بەغدادی سپی پۆش كرد

09:12 - 11/02/2020
عێراق

شەپۆلێكی سەرما و بەفربارین شاری بەغدادی گرتەوە، ئەوەش بە دیمەنێكی ناوازە و رووداوێكی دەگمەن لە كەشوهەوای عێراق دادەنرێت. 

 

 بەهۆی ئەو شەپۆلە سەرما و سۆڵە جەمسەرییەی كە لە باكوری خۆرهەڵاتی كیشوەری ئەوروپاوە چەند رۆژێكە رووی لە هەرێمی كوردستان و عێراق و ناوچەكە كردووە، شەوی رابردوو بەفر لە شاری بەغداد باری، ئەوەش بووە جێگەی سەرنج و خۆشحاڵی هاوڵاتییان و لە تۆڕە كۆمەڵایەتییەكان وێنە و دیمەنی بەفر بارینیان بەشێوەیەكی بەرفراوان بڵاوكردەوە، چونكە رووداوێكی لەو شێوە رەنگە لە چەندین ساڵدا دووبارە نەبێتەوە. 

هاوكات بەهۆی ئەو شەپۆلە سەرما و سۆڵەوە پلەكانی گەرما لە عێراق و هەرێمی كوردستان بەشێوەیەكی بەرچاو روویان لە نزمبوونەوە كردوە تاكو ئاستی ژێر سفری سەدی. 

 

1310 جار خوێندراوەتەوە