رونکردنەوە لەبارەى ئاوى دەریاچەى دوکان و دەربەندیخان دەدرێت

06:54 - 23/01/2020
کوردستان

بەپێى دەرئەنجامى پڕۆژەیەکى چاودێریکردنى کوالێتى بۆ هەر دو ئاوى دەریاچەى دوکان و دەربەندیخان، دەركەوتوە کە ئاوی هەردو بەنداوەکە پاكن و لەگەڵ پێوەرەکانی عێراق بۆ ئاوی سەر زوەی گونجاون.

 

دیار شێخ غەریب بەڕێوبەری فەرمانگەی ژینگەی سلێمانی لە کۆنگرەیەکى رۆژنامەوانیدا رایگەیاند، پڕۆژەى چاودێریکردنى کوالێتى ئاوى دەریاچەى دوکان و دەربەندیخان ماوەى یەک ساڵە بە هاوکارى پارێزگارى سلێمانى بەڕێوەچوەو بەپێى دەئەنجامەکان کە چەندین پشکنینى بۆکراوە، دەرکەوتوە ئاوی ئەو دو بەنداوە پاکن و لەگەڵ پێوەرەکانی عێراق بۆ ئاوی سەرزوەی گونجاون.

 

فەرمانگەی ژینگەی سلێمانی ئامار و کار و چالاکی ساڵی (2019)ى بەڕێوەبەرایەتیەکەى خستەڕو، کە لە ساڵى رابردودا (919) بەڵێننامە و (190) کەیسى دادگایان هەبوە سەبارەت بەکێشە ژینگەییەکان و  (830) پڕۆژە مۆڵەتیان وەرگرتوە، کە لەنێویاندا (241) پڕۆژەى گەورە بونى هەبوە.

11851 جار خوێندراوەتەوە