مەزڵوم کۆبانێ پەیامێکی ئاراستەی بۆریس جۆنسۆن کرد

10:41 - 13/12/2019
کوردستان

فەرماندەی گشتی هێزەکانی سوریای دیموکرات پەیامێکی پیرۆزبای ئاراستەی سەرۆک وەزیرانی بەریتانیا کرد و داوایکرد پێکەوە بەردەوامبن لە کاری هاوبەش.

مەزڵوم کۆبانێ لە توێتێکدا رایگەیاندوە، پیرۆزبای ئاراستەی بۆریس جۆنسۆن سەرۆک وەزیران دەکەم بەهۆی سەرکەوتنی پارتەکەی لە هەڵبژاردنەکەی بەریتانیا و هیواخوازین پەیوەندییەکانمان لەگەڵ بەریتانیا پتەوتربێت.

فەرماندەی گشتی هەسەدە ئاماژەی بەوەشکردوە، هیوادارین کاری هاوبەش و هەماهەنگی نێوانمان زیاتر بکەین و بەردەوامبین لە شەڕی دژی داعش، ئەوەش لە پێناو ئەوەی دەستکەوتەکانمان بپارێزین .

مەزڵوم کۆبانێ داواشیکردوە، چارەسەرێکی باش و یەکجاری بۆ قەیرانەکان بدۆزرێتەوە و ئاوارەکان بگەڕێنەوە شوێنەکانی خۆیان.

ئەمڕۆ ئەنجامی هەڵبژاردنە پەرلەمانیەکەی بەریتانیا راگەیەندرا و پارتی پارێزگاران بە سەرۆکایەتی جۆنسۆن سەرکەوتنێکی گەورەی بەدەستهێنا.

2603 جار خوێندراوەتەوە