کونسوڵخانەی ئێران لە نەجەف سوتێنرایەوە

08:03 - 01/12/2019
عێراق

ئەمشەو جارێکی دیکە ئاگر لە کونسوڵخانەی ئێران لە نەجەف بەردراوەتەوە و سوتێنراوە.

میدیا عێراقییەکان بڵاویان کردەوە، ئەمشەو خۆپیشاندەرانی شاری نەجەف بۆ جاری دووەم لەم هەفتەیەدا ئاگریان لە کونسوڵخانەی ئێران بەرداوەتەوە.

 

بەڕێوەبەری بەرگری شارستانی شارەکەش رایگەیاند، تیمەکانیان لە هەوڵی کوژاندنەوەی ئاگرەکەدان.

ئەمە لە کاتێکدایە هەفتەی رابردوو خۆپیشاندەرانی شاری نەجەف چوونە سەر کونسوڵخانەی ئێران و سوتاندیان، دیپلۆماتکارە ئێرانییەکانیش پێش سوتاندنی کونسوڵخانەکە خۆیان رزگارکردبوو.

935 جار خوێندراوەتەوە