بۆیەکەمجار ڤیدیۆی هێرشکردنە سەر مەککە بڵاوکرایەوە

10:26 - 21/11/2019
جیهان

دوای ٤٠ ساڵ لە کۆنترۆڵکردنی بەشێک لە شوێنە پیرۆزەکانی مەککە لەلایەن "جهيمان العتيبي" و ٢٠٠ چەکدارەوە و دواتر شەڕی لێسەندنەوەی ئەو شوێنانە ڤیدیۆکەی بڵاوکرایەوە.

 

 

لە ساڵی ١٩٧٩ دا کەسێک بەناوی "جهيمان العتيبي" لەگەڵ ٢٠٠ چەکداردا لەناو كفن و تابوتی مردوودا چەك دەبنە ریزەكانی پێشەوەی نوێژی بەیانی حەرەمی مەككە، پاش نیگا ئاڵوگۆڕ كردن كە جفرەی نێوان خۆیان بووە یاخیبوون رادەگەیەنن و دەست دەگرن بەسەر پیرۆزترین پێگەی ئیسلامدا و جوهەیمان دەرکەوتنی محەمەدی مەهدی ڕادەگەیەنێت و بەشی زۆری زیارەتكەرەان و نوێژكەران بەبارمەتە دەگرن.

جوڵانەوە سەربازییەکەی جهيمان العتيبي و هاوکارانی بەهۆکاری ئەوەبوو کە گوایە محەمەدی مەهدی دەرکەوتووە و ئەوانیش بەشێکن لە پرۆسەی دەرکەوتنەکە.

لە ماوەی  دوو هەفتەدا یاخیبوان بانگەشەی ڕێرەوەکەی محەمەدی مەهدیان دەکرد و سوپای سعودییەش بە هاوکاری ئوردون و فەرەنسا و پاکستان بەردەوام بە چەک هەوڵی دەدا یاخیبوەکان یان بکوژێت یان دەستگیریان بکات.

دەستبەسەرداگرتنی پیرۆزترین ناوچە لە ئیسلامدا، و بارمەتە گیراوەکان و مردنی دەیان سەرباز و بارمەتە لە ڕووداوەکە بووە ھۆی شۆکبوونی جیھانی ئیسلامی.

یاخیبوونەکە دوو کەس سەرکردایەتیان دەکرد کە قەحتانی و جهيمان بوون، ئەوەی یەکەمیان لە شەڕەکەدا کوژرا و جوهەیمانیش لەگەڵ ٦٧ چەکداری دیکەدا دەستبەسەرکران و دواتر سەریان لێکرایەوە.

27645 جار خوێندراوەتەوە