سەرۆک وەزیرانی عێراق ڕایگەیاند، ئەگەر حکومەت دەستلەکاربکێشێتەوە ئەوا حکومەتێکی کاربەڕێکەر شوێنی دەگرێتەوە، ئەوەش بۆشای درووستدەکات و خزمەت بە هیچ شتێک ناکات.

عادل عەبدولمەهدی، سەرۆک وەزیرانی عێراق لە وتارێکدا ڕایگەیاند "من ئامادەم دەستلەکاربکێشمەوە، بەڵام ئەوە بە پەلەل پەلناکرێت و ناکرێت لەیەک کاتدا لەم دۆخە ئاڵۆزەدا سوپا بێ فەرماندەی هێزە چەکدارەکان بمێنێتەوە و وڵات نە حکومەتی هەبێت و نە ئەنجوومەنی وەزیرانێک بۆ ڕاییکردنی کارەکان".

ئاماژەی بەوەشکرد " هەموای دەستوور دەرکرێت و سیستمی وڵات بە تەواوی دەبێت بگۆڕدرێت، تاکە چارەسەر هەمواری دەستوور و چارەسەکردنی کێشەکانە لەڕێگای دەستوورەوە".

سەرۆک وەزیرانی عێراق ئاماژەی بەوەشکرد " گوشاری خۆپیشاندەران وایکرد کە ئەو پڕۆژانەی دواخرابوون، پێشبخرێن، و خۆپیشاندانەکان بە ئاڕاستەی ڕاستن، بەڵام نابێت ڕوی راستی خۆپیشاندەران بۆ کاری تێکدەرانە و بەمەبەست بەکاربهێندرێت".

عادل عەبدولمەهدی  دەشڵێت " خۆپیشاندانەکان هەڵە کەڵەکەبووەکانی دوای ساڵی ٢٠٠٣ی دەرخست، ئێستا خۆپیشاندانەکان بە ئاراستەیەکى دروستدا دەڕۆن و زیانگەیاندن بە کەرتى نەوت داواکارى خۆپیشاندەران دابین ناکات".