لایەنەکان لەسەر ٥ خاڵ بۆ دۆخی عێراق ڕێککەوتوون

04:56 - 31/10/2019
عێراق

دوای کۆبوونەوەی لایەنە سیاسییەکانی عێراق لەگەڵ سەرۆککۆماری عێراق لەسەر ٥ خاڵ ڕێککەوتوون کە پەیوەندی بە دەستوور و گوەزەرانی خەڵک و هەڵبژاردنی پێشوەختەوە هەیە.

 

سەرچاوەیەکی ئاگادار بە سایتی "المسلة"ی راگەیاندووە "سەرۆکی کوتلە سیاسییەکان لەگەڵ بەرهەم ساڵح، سەرۆککۆماری عێراق کۆبوونەتەوە و لەسەر ئەو پێنج خاڵە ڕێککەوتوون کە نزیکە لەو بڕیارانەی پێشتر پەرلەمان پەسەندی کردبوو".

ئەو سەرکردانەی بەشداری کۆبوونەوەکەیان کردووە (هادی عامری، محه‌ممه‌د حه‌لبووسی، فالح فه‌یاز، نوری مالكی و ره‌شید عه‌زاوی)بوون لەگەڵ سەرۆککۆماری عێراق.

خاڵە پەسەنکراوەکان بەم شێوەیەیە

یەکەم: هه‌مواركردنی پێویستی ده‌ستوور.

دووەم: هه‌مواركردنی یاسای هه‌ڵبژاردن.

سێیەم: ئه‌نجامدانی هه‌ڵبژاردنی پێشوه‌خته‌.

چوارەم: چاكسازیی به‌په‌له‌ كه‌ ژیانی خه‌ڵك بگۆڕێت.

پێنجەم: پارێزگاریكردن له‌ خۆپیشانده‌ران.

8519 جار خوێندراوەتەوە