عێراق سێ ڕۆژ ماتەمینی راگەیاند

09:08 - 09/10/2019
عێراق

 

سەرۆک وەزیرانی عێراق ڕیگەیاند، وەک ڕێزگرتنێک لە قوربانیانی خۆپیشاندانەکانی ئەمدواییەی عێراق سێ ڕۆژ ماتەمینی ڕادەگەیەندرێت.

 

تەلەفزیۆنی فەڕمی عێراقی، ئاماژەی بەوەکردووە و بە فەرمانی سەرۆک وەزیران لە سبەی پێنجشەممەوە ماتەمینی گشتی لە عێراقدا ڕادەگەیەندرێت تا ڕۆژی شەممەی هەفتەی داهاتوو.

خۆپیشاندانەکانی بەغدا و چەند شارێکی تری ناوەڕاست و خوارووی عێراق کە ماوەی ھەفتەیەکی خایاند و گرژی و ئاڵۆزی زۆری بەدوای خۆیدا ھێنا، نزیکەی ١٢٠ کوژراو و زیاتر لە شەش ھەزار برینداری لێکەوتەوە.

حکوومەتی عێراقی دانی نا بەوەی کە ھێزی دژی خۆپیشاندەران بەکارھێناوە ، بەڵێنی ئەوەشیدا کە لێپرسینەوە لەو کەسانە بکات کە بەرپرس بوون لە تووندوتیژییەکان.

2373 جار خوێندراوەتەوە