ئەمڕۆ پاسێكی قوتابیان لە رێگای دوكان - سلێمانی، لە نزیك گوندی کۆتەڵ وەرگەڕا و بەهۆیەوە خوێندکارێک گیانی لەدەستدا و ١٣ی دیکەش برینداربوون.

پەیامنێری دیجیتاڵ میدیای کەی ئێن ئێن راگەیاند، پاسێکی خوێندکارانی پەیمانگای تەکنیکی دوکان وەرگەڕاوە و جگە لە مردنی کچە خوێندکارێک، ١٣ی دیکە برینداربوون و لە ئێستادا بریندارەکان رەوانی نەخۆشخانەی فریاکەوتنی سلێمانی کراون.

 بەپێی زانیارییەکان ئەو پاسە ڕۆژانە خوێندکارانی پەیمانگای پیرەمەگرونی گواستەوەتەوە.