پۆلیسی گەرمیان ڕایگەیاند، پاش کەوتنەوەی ئاگر لە شاخی خۆشک و سوتانی ڕووبەڕێکی زۆر لە پوش و پاوان و دارەکانی ناوچەکە کەسێک دەستگیرکراوە کە دانی بە تاوانەکەدا ناوە.

بەپێی ڕاگەیەندراوەکەی پۆلیسی گەرمیان " دوای کۆنتڕۆڵکردنی ئاگرەکە، لێکۆڵینەوەکان لەلایەن هێزەکانی پۆلیس و ئاسایش هاوڵاتیەک دەستگیرکرا کە هەستابوو بەو تاوانە ".

ئاماژە بەوەشکراوە "لەئێستادا ئەو کەسە دانی بە تاوانەکەیدا ناوە و بە فەرمانی دادوەر بەمادەی ( ٤۲ ) ی پاراستنی ژینگە بـەند کراوە  و دوای لێکۆڵینەوەکان تاوانبار دانی بەوەدا ناوە کە کەسێکی تر بەشدارە لەم تاوانەی کە کردویەتی  و کەسی دووەم بەفەرمانی دادوەری لێکۆڵینەوە فەرمانی دەستگیرکردنی بۆ دەرچووە ".