لە شاری کۆپێرتینۆی ویلایەتی کالیفۆرنیای ئه‌مریكا، کۆمپانیای ئەپڵ ئیڤێنتێكی تایبەت بە نمایشکردنی ئایفۆنە نوێیەکەی و چەند بەرهەمێکی دیکە سازکرد.

دیارترین گۆرانکاریەکانی لە کامێرا و مۆدێله‌كانیدایه‌ و له‌ ئیڤێنته‌كه‌دا به‌شێوه‌یه‌كی جیاواز خرانه‌ڕوو ئه‌وانیش هەریەک لە بەرهەمەکانی Iphone11 و Iphone 11 pro و Iphone 11 pro max و Apple Watch و MacBook Pro 16-inch چەند بەرهەمێکی دیکە نمایش دەکرێن.

ئه‌م نمایشه‌ تایبه‌ته‌كه‌ی ئه‌پڵ له‌كاتێكدایه‌ كه‌ تادێت ركابه‌رییه‌كانی نێوان كۆمپانیا ئه‌مریكیه‌كانی بواری به‌رهه‌مهێنانی مۆبایلی زیره‌ك و كۆمپانیای هواوی (چین)ی په‌ره‌ده‌سه‌نێت و له‌ بازاڕه‌كاندا ئاسته‌نگ بۆ ئاستی فرۆشی یه‌كتریی دروستده‌كه‌ن.