چەند زانایەك پاش ئەنجامدانی توێژینەوەیەك ڕایدەگەیەنن كە زۆر بەكارهێنانی تۆڕی ئینتەرنێت دەبێتە هۆی بەرزكردنەوەی فشاری خوێن لای هەرزەكاران و گەنجان، هەروەها بڕبڕەی پشتیشیان توشی چەند كێشەیەك دەكات.
توێژینەوەكە لەلایەن پسپۆڕەكانی نەخۆشخانەی هێنری فۆردەوە ئەنجامدراوە كە دەكەوێتە ویلایەتی میشیگانی ئەمریكا و پسپۆڕەكان مەبەستیان بووە كاریگەرییەكانی تۆڕی ئینتەرنێت لەسەر فشاری خوێنی گەنجان و هەرزەكاران ئاشكرا بكەن.
توێژینەوەكە لەسەر 145 كەسی تەمەن هەرزەكار ئەنجامدراوە و دەركەوتووە كە زۆر بەكارهێنانی ئینتەرنێت بۆتە هۆی بەرزكردنەوەی فشاری زۆرێك لە بەشداربووانی توێژینەوەكە، بە تایبەت گەر هەفتانە زیاتر لە 14 كاتژمێر بەكاربهێنرێت.
پسپۆڕەكان ئامۆژگاری باوانی منداڵ و هەرزەكاران دەكەن كە ڕێگری بكەن لە زۆر بەكارهێنانی تۆڕی ئینتەرنێت لەلایەن منداڵەكانیان و نەهێڵێن ڕۆژانە لە دوو كاتژمێر زیاتر بەكاریبهێنن.
183 جار خوێندراوەتەوە