پارتی هەرێمە دیموكراتییەكان: هەرگیز ناتوانن ئیرادەی كورد لەناو ببەن
دەبەپە: لە ناو دەستگیركراواندا ئەندامانی ئێمەشی تێدا بوو
پارتی هەرێمە دیموكراتییەكان, دەبەپە, ڕایدەگەیەنێت: لابردنی سەرۆك شارەوانییەكانی كورد لە وان و ماردین و ئامەد, شەڕێكی نوێیە لە دژی گەلی كورد.
لە بەیاننامەیەكدا, پارتی هەرێمە دیموكراتییەكان, دەبەپە ڕایگەیاندوە: ئەوەی ئەردۆغان كردی بە لابردنی سەرۆك شارەوانییەكانی وان و ماردین و ئامەد, كودەتایەكی سپی بوەو مەهەپەو ئاكەپە لە دژی گەلی كورد شەڕێكی نۆیان دەست پێ كردوەتەوە.
ئاماژە بەوەش كراوە: لابردنی سەرۆك شارەوانییەكانی كورد, كە بە دەنگی زۆرینەی خەڵك هاتوون, كودەتایەكی سپی بوە بەسەر دیموكراسی و دەبێت ئاكەپە ئەوە بزانێت كە هەرگیز ئیرادەی كورد ناوەستێنێت.
دەبەپە جەختیشی كردوەتەوە: ئەوەی ڕووی داوە, سیاسەتی ئاكەپەیە بۆ پاكتاوكردنی نەیارەكانی و وەك دەبەپەو سەرجەم هێزە دیموكراسییەكانیش, هەرگیز دان بە حوكمی قەیومی خۆسەپێنەردا نانێن و ڕەتی دەكەنەوە.
278 جار خوێندراوەتەوە