لە مانگی ئایاردا هاوردەكردنی هێلكەی توركی بۆ عێراق قەدەغەكرا
سەرۆكی كێڵگە پەلەوەریەكانی عەنتاب: بڕیارەكەی عێراق بە قەدەغەكردنی هێلكەی توركی سیاسییە
بریاری حكومەتی عێراق بۆ هێلكەی توركیا بەهۆی عێراقەوە رووبەڕووی قەیران دەبێتەوە و بە دەیان كێڵگەی پەلەوەری ئەو وڵاتەش دادەخرێن.
میدیاكانی توركیا بڵاویانكردوەتەوە: بەهۆی بڕیاری حكومەتی عێراق، لە دوو مانگی رابردودا، بۆ قەدەغەكردنی هێلكەی توركیا بۆ وڵاتەكەی، بە دەیان كێڵگەی پەلەوەری مریشك لەو وڵاتە داخراوەو نرخی تەبەقێكی هێلكەش لە توركیا 8 لیرە دابەزیووە.
ئاماژەیان بەوەشكردووە: لە پێشتردا 85% ی هێلكەی زیادەی توركیا رەوانەی عێراق دەكرا، بەڵام لە ئێستادا ئەو هێلكە زیادە ساغنابێتەوەو ئەوەش بووەتە هۆی دابەزاندنی نرخی هێلكەی توركی و داخستنی ژمارەیەك لە كێڵگە پەلەوەرییەكان.
هاوكات عەنعان ئۆیگو، سەرۆكی كێڵگە پەلەوەریەكانی عەنتاب رایگەیاند: لە ئێستادا عێراق تەنها 20% ی پێدوایستی هێلكەی ناوخۆیی دابین دەكات, بڕیارەكەی بۆ قەدەغەكردنی هێلكەی توركی, سیاسیە.
راشیگەیاندوە: لە ماوەی رابردودا وەزیری بازرگانی توركیا سەردانی عێراقی كردوەو داوای هەڵگرتنی قەدەغەی هێلكەی توركی كردوە بەڵام سەردانەكەی بێ ئەنجام بوە.
1760 جار خوێندراوەتەوە