رۆژنامەی گاردیانی بەریتانی بڵاویکردەوە، مەترسی هاککردنی واتساپ لەلایەن کۆمپانیایەکی سیخوڕی ئیسڕائیلەوە ئاشکرا دەکرێت.

زانایانی بواری ئاسایش و زانیاری، خاڵێکی ڤایرۆساوییان ئاشکراکردوە، کە یەکێک لە کۆمپانیاکانی سیخوڕی ئیسڕائیل توانیویەتی لە رێگەی دابەزاندنی بەرنامەیەکەوە بۆ ناو مۆبایل، واتساپی پێ هاک بکات.

زانایانی بواری ئاسایش و زانیاری روونیدەکەنەوە، ئەو خاڵە ڤایرۆساویە لە رێگەی پەیوەندییەکی تەلەفۆنی واتساپەوە دەچێتە ناو سیستمی IOS و ئاندرۆید و لەوێوە دزەپێکردنی زانیاری بەکارهێنەر، بەڵام شەوی رابردوو ئەم کێشەیە چارەسەرکرا.

زانایان دەشڵێن، سەرەتای ئەم مانگە بەم کێشەیەیان زانیوەو بە خێرایی تەکنیکەکەیان چارەسەر کردووە، چونکە دەبێتە هەڕەشە بۆ بەکارهێنەران بە گشتی و کاتێک ڤایرۆسەکە دەچێتە ناو واتساپەکەت، دەستبەجێ هاک دەکرێت و دەگەن بە هەموو داتاو زانیارییەکانی وەک وێنە و ڤیدیۆیە و شتە تایبەتەکانی رۆژانەی کەسەکە.

شارەزایانی بواری تەکنەلۆجیاش داوا لە بەکارهێنەران دەکەن، کە ئەپی واتساپ لە مۆبایلەکانیان بسڕنەوەو دووبارە دایبەزێنەوە.

واتساپ زیاتر لە ملیارێک و نیو بەکارهێنەری هەیە لە جیهاندا، رۆژانە زیاتە لە 60 ملیار نامە دەگۆردرێتەوە.