دوو وەستای چاككردنەوەی كاتژمێر لە شاری ڕانیە, لە ڕێگەی پیشەكەیانەوە بژێوی ژیانیان دابیندەكەن, یەكێك لەو وەستایانە ناوی حیكمەت سابیرە و خاوەن پێداویستی تایبەتە, لەساڵی 1991 وە لەبەردەمی مزگەوتی گەورەی قەزاكەدا خۆی و مێزە بچوكەكەی سەرقاڵی ئەو پیشەیەیە.
وەك خۆی دەڵێت: بە دكتۆری كاتژمێر ناسراوە, بەڵام پیشەكەیان نەبوەتە هۆی ئەوەی داهاتێكی ئەوتۆییان دەست بكەوێت.
یەكێكی تر لەو وەستایانە بە پێویستی دەزانێت: ئەو پیشەیە لەبازاڕدا هەبێت لەبەرئەوەی بەشێكی زۆر لەهاوڵاتیان ناتوانن پاتری و قایش و زنجیر بگۆڕن یاخود كاتژمێرەكانیان چاك بكەنەوە.
749 جار خوێندراوەتەوە