بەرپرسانی ئەمریکا هۆشدارییەکی توند دەدەنە ئێران کە دەبێت بە فەرمی کرانەوەی ڕێڕەوەکانی گەرووی هورمز و ڕاگرتنی تەقەکردن لە کەشتییەکان ڕابگەیەنێت، بەپێچەوانەوە دەرەنجامەکان لە بەرژەوەندی ئەو وڵاتەدا نابن.

ڕۆژنامەی نیویۆرک تایمزی ئەمریکی لە زاری چەند بەرپرسێکی واشنتنەوە بڵاویکردەوە، پێویستە تاران بەیاننامەیەک دەربکات و تێیدا کرانەوەی ڕێڕەوە ئاوییەکانی گەرووی هورمز پشتڕاست بکاتەوە. ئاماژە بەوەش کراوە کە دەبێت ئێران لە بەیاننامەکەیدا ڕاگرتنی تەقەکردن لەو کەشتییانەی بە گەرووەکەدا تێدەپەڕن بەڕوونی ڕابگەیەنێت و بەتەواویش پابەندی بڕیارەکەی بێت.

ئەو بەرپرسانە جەختیان لەوەش کردووەتەوە کە ئەگەر ئێران ئەو بەیاننامەیە دەرنەکات و ئەو هەنگاوانە نەنێت، ئەوا ڕووبەڕووی دەرەنجامێک دەبێتەوە کە هەرگیز لە بەرژەوەندیدا نییە.