ترەمپ هۆشدارییەکی توند دەداتە ئێران و هەڕەشەی وێرانکردنی تەواوەتی ئەو وڵاتە دەکات ئەگەر هەوڵی تیرۆرکردنی خۆی یان سەرۆکێکی ئەمریکا بدات، جەختیش دەکاتەوە کە سوپای وڵاتەکەی بەتەواوی ئامادەیە و فەرمانەکانیش لەو بارەیەوە دەرکراون.

ترەمپ ڕایگەیاند؛ ئەگەر حکومەتی ئێران هەنگاو بنێت بۆ جێبەجێکردنی هەڕەشەکانی بۆ تیرۆرکردنی، ئەوا هەزار موشەک ئامادەی هەڵدانن و ئاراستەی ئەو وڵاتە کراون، دەستبەجێش هەزاران موشەکی دیکەیان بەدوادا دەچێت. ئاماژەی بەوەشکردووە، پێشوەختە فەرمانەکان دەرکراون بۆ وەڵامدانەوەی هەر هەوڵێکی لەو شێوەیە.

لە بەشێکی دیکەی قسەکانیدا، ترەمپ تواناکانی سوپای ئەمریکای بیرهێنایەوە و دووپاتیکردەوە، سوپای وڵاتەکەی ئامادەیی و توانای ئەوەی هەیە بەشێوەیەکی تەواوەتی و لە ماوەی تەنها یەک ساڵدا کە دەکرێت ئەو ماوەیە درێژکردنەوەیە، سەرجەم ناوچەکانی ئێران وێران بکات.