حزبی دیموکراتی کوردستان ئاشکرای کرد لە پێکدادانێکدا لە نزیک پیرانشار 5 پێشمەرگەیان ژیانیان لەدەستداوە و میدیاکانی ئێرانیش باس لە کوژرانی 11 ئەندامی حزبەکانی رۆژهەڵات دەکەن.

حزبی دیموکراتی کوردستانی ئێران بڵاوی کردەوە: لە پێکدادانێک لە ناوچەی پیرانشار، لە ڕۆژهەڵاتی کوردستان، لەنێوان هێزەکانی سوپای پاسداران و پێشمەرگەکانیان، پێنج پێشمەرگە شەهید بوون.

لەبەرامبەردا میدیاکانی نزیک لە سوپای پاسداران بڵاویانکردەوە، لە دوو پێکدادان دا لە نزیک پیرانشار و سەردەشت 11 ئەندامی حزبە کوردییەکان کوژراون.

لە رۆژانی رابردووشدا لە نزیک مەهاباد لە شەڕ و پێکدادانێکی دژواردا کە دوو رۆژی خایاند، چوار گەریلای پەژاک ژیانیان لەدەستدابوو.